Kolesa Group-тың 30 жылдығына орай арнайы жоба
© 2026 Колеса АҚ
1996
Әр адамнан 2 000 $ және «Колёсаның» алғашқы нөмірі
Кәсіпкер Вали Хуснутдинов төрт досын шақырып, ақша жинап, газет ашты.
1996 жылғы 2 тамызда  «Колеса» газетінің алғашқы нөмірі шықты, ол төрт беттен тұрды, 5 000 дана таралды.
Газет алтыншы басылымында өз құнын ақтады: 10 000 дана басып шығарып, 90%-дан астамы сатылды.
Жыл соңына қарай «Колёса» газетін бүкіл Қазақстан оқитын болды — оның таралымы 12 000 данаға жетті
Сол кезде жылжымайтын мүлік хабарландыруларына арналған дәл сондай газет шығару идеясы туды, өйткені бұл ниша бос тұрған еді
Ол кезде кеңсе қызметін Алматыдағы Коммунальная көшесі, 12-үй мекенжайында орналасқан жалдамалы екі бөлме атқаратын
1997
«Крыша» газетінің ашылуы
Ол кезде «Крышаның» басты бәсекелесі әмбебап газет еді. Бірақ оған хабарландыру беру үшін тек басылымның өзінен қиып алынған купондар қажет болатын. Бұл әрине, жұртқа өте қолайсыз еді.
«Крыша» болса мүлдем басқа жолды таңдады: хабарландыру тегін, телефон арқылы және 24/7, тіпті жаңа жыл түнінде де қабылданатын
Бірінші нөмірді шығару үшін 15 адам күні бойы Алматының барлық газетіндегі хабарландырулар бойынша қоңырау шалып, жарнамаларын тегін орналастыруды ұсынумен болды.
1997 жылғы 4 қыркүйекте  «Крыша» газетінің алғашқы нөмірі жарық көрді. Ол сегіз беттен тұрды, таралымы 7 000 дана болды.
Бастапқыда іс өрге баса қоймады: жыл соңына қарай таралым 4 700 данаға дейін құлдырады. Бірақ команда мұнымен тоқтап қалған жоқ. Бес ай өткеннен кейін «Крыша» шығынын ақтап, табысқа шықты.
1998
Ресми ашылу
Компания ресми мәртебеге ие болды — «Колёса» ЖШС тіркелді.
Газеттерге деген сұраныс жоғарылап, таралым көлемі де арта түсті:
20 000
дана «Колёса»
7 000
дана «Крыша»
1999
Көлік суреттері тікелей хабарландырудың ішінде жарияланды
Бұрын «Колёса» газетінде сатушылар темір тұлпарларын тек сөзбен сипаттайтын. Енді сатып алушы оны барып көрмей-ақ, суретінен көре алатын болды. Бұл жаңалық адамдардың көлік таңдау әдетін түбегейлі өзгертті
Келесі кезең
1996 – 1999
Рус
Қаз